كشعلة أقيدت فجأة و أستمرت لفترة ليست بالكبيرة ثم خمدت نيرانها …
شعلة حاولت مراراً و تكراراً أن تقيد نفسها خلال فترة مضت و لكن دون فائدة 000
شعلة حاولت و ماطلت و أجلت و نوت و سعت حتى أصبحت كذلك الطائر
في قول الشاعر :
يغيب الطير دهراً و يسرح في البراري … و لكن بعد حين يعود إلى الجوار
و ها هو الطير قد عاد إلى الجوار
و ها هي الشعلة قد أقيدت من جديد
و ها هي الهوامش عادت لتدون
و عاد صاحب الهوامش إلى هوامشه من جديد
كالطائر المهاجر الذي إستقر أخيراً و لعلى عودته تكون نهائية …
عاد صاحب الهوامش مطمئناً على ماضيه و متفاعلاً مع حاضره و مترقباً لمستقبله …
مطمئناً على ماضيه بتفوقه هذا العام و تحقيقه للإنجاز الإلهي و حصوله على المركز الـ 15
بعد أن كان الـ 420 العام الماضي أي بنسبة تفوق الـ 480 % !!!
متفاعلاً مع حاضره بالإلمام بما يفيد ما نواه لمستقبله متلخصاً في التدريب على تداول الأوراق المالية
بمعنى مبسط ” أصبح بورصجي ” !!!
مترقباً لمستقبله بعدم النظر أسفل القدمين و إنما أمام العينين لمحاولة تشكيل مستقبل أكثر إشراقاً و نصوعاً و بياضاً
بالطبع بياضاً أشد من بياض تايد !!!
عادت الهوامش و عاد صاحبها و إدعوا لهما سوياً بعدم الإنقطاع …
السلام عليكم
إزيكوا يا جماعة ؟؟؟
يا رب تكونوا بخير
بعتذر عن الإنقطاع و عدم الكتابة خلال الفترة الماضية و القادمة
و هرجع أكتب تاني خلال 10 أيام
أكون خلالها نظمت أموري في الموقع و المنتدى و ظبطت المدونة تاني بالتصميم الجديد إن شاء الله ,,,
سامحوني على التقصير …
السلام عليكم
زوار المدونة الكرام
الحمدلله إنتهت الإمتحانات
و الحمدلله الأاداء كان كويس و ربنا يستر بقى على النتيجة
تصدقوا إن ساعات إنتظارالموت أهون من إنتظار النتيجة
مش موضوع أداء سئ
بس موضووووووع إن الموت علينا حق
و عارفين إننا كده كده ميتين
و ظروف الموت بإيد ربنا
أحكم الحاكمين و أعدل العادلين
لكن نتيجة الإمتحانات بتكون بإيد ناس
الله أعلم بيهم
يعني الواحد ساعات بيقول إن الأهم هو تصحيح الإمتحانات
مش أنت حليت إيه ؟؟؟
لأن بصراحة بتحصل حاجات غريبة في التصحيح مالهاش علاقة باللي حصل في الإمتحان
الخلاصة
رحعت للتدوين
و يا رب أرجع أدون من جديد بشكل أكبر
بس ربنا يقدرني و يعيني لأني فعلاً مضغوط الصيف ده في حاجة مهمة على الموقع هتكون مفصلية
ومصيرية في تاريخ الموقع و هتحدد لما بعدها …
دعواتكم بالتوفيق
في النتيجة
و الموقع
و الدنيا
و الآخرة ….
طبعاً ناس كتير هتستغرب من عنوان التدوينة
هتقولي هي ناقصة عشان تيجي أنت كمان تسخنها
هقول أأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأه
ناقصة و لازم أسخنها أكتر من كده
عشان ما ينفعش الوضع يستمر أكتر من كده
هتقولولي ليه أنا بقول الكلام ده
طب ممكن نقرأ الموضوع ده الأول
بعد قراءة الموضوع نرجع لكلامنا
من ساعة ما بدأت الأحداث دي تحصل و كان ليا وجهة نظر
يمكن كنت مختلفة عن كل اللي حواليا حتي أمي و إخواتي
وجهة النظر دي كانت إن القسام و التنفيذية معاهم الحق و مليون حق إنهم يواجهوا الكلاب الضالة دي
لأن ما عدش ينفع أن الوضع يستمر بالشكل ده و لازم الأول الساحة الفليسطينة تتطهر من الجراثيم
و النفايات القذرة اللي مالهاش هم غير إنها تنفذ أوامر أسيادها
مهما كانت النتيجة و مهما مات من فلسطينيين فدي ضريبة التطهير
مش هنخسر أكتر من الخسائر اللي فاتت
لما إستشهد كبار القادة بسبب وجودة النفايات دول و أذنابهم اللي كانوا سبب مباشر
في كل اللي حصل …
كل الناس حواليا تقول ما ينفعش كده حتى لو بتوع حماس بيتقتلوا ما يردوش
إزاي ما يردوش ؟؟؟
هيستكوا لحد إمتى ؟؟؟
لحد ما يتنفذ المخطط و يخلصوا كلهم و يروحوا ببلاش كده
يا قسام و يا تنفيذية ما ترحموش
اللي يعمل حاجة ردوها بعشرة
لأن الاشكال دي هي سبب البلاوي اللي بتحصل و عايزين يستغلوا حلمكم و صبركم زي زمان
كفاية حلم و صبر عليهم
يا جماعة على فكرة ما حدش بيحس باللي حماس فيه دلوقتي إلا شخص مجرب
و أنا مجرب بس بشكل تاني
هتقولولي إزاي ؟
هقلكم من خلال برضه أحلى شلة
نفس السيناريو تكرر قدامي بس المرة دي إليكترونياً
ناس كانت مرشحة نفسها لإنتخابات الإشراف
و طبعاً داخلين و حاطين في بطنهم بطيخة صيفي إنهم كسبانين
و قبل الإنتخابات عملوا حركتين و أعلنوا إنهم إنسحبوا بينما الحقيقة إنهم إتهزموا
نفس سيناريو فتح
بعد ما الإنتخابات خلصت و إكتشفوا إنهم مش في مواقع الإشراف ” السلطة “
بدءوا المشاكل
كل شوية خناقات و خناقات
و كل ده عشان ما عدوش في مواقع الإشراف
مش مستوعبين إن الإشراف راح من إيديهم
فكل شوية مشاكل و خناقات
نفس سيناريو فتح ” جرائم و قتل “
يعني نفس المشهد إتكرر قدامي بس بصيغة إليكترونية
ناس ما عدتش في مواقع الإشراف بعد ما كان قبل كده تحت إيديهم
فيعملوا إيه غير المشاكل !!!!
فهمتوا دلوقتي وجهة نظري ؟؟؟
من الآخر بكررها
يا حماس ما ترحميهمش و اللي يعمل حاجة إقطعي إيده
اللي يعمل جريمة ما يتسكتش عليه
و لكل اللي خايفين و بيقولوا إن ما يصحش اللي حماس بتعمله
و إن مهما حصل ما يردوش
بقولهم
أهل مكة أدرى بشعابها
و حماس عارفين بيعملوا إيه
ما همش أطفال بل ناس عاقلة و عارفين بيعملوا إيه
و زي ما طول عمرنا كنا واثقين في تصرفاتهم
يبقى عدم الوثوق في تصرفاتهم المرة دي خيانة ليهم ,,,
إنتهى
* ملحوظات :
- التدوينة دي رأيي الشخصي جداً و بس و أنا حر فيه وما بيمثلش أي حد أو جهة
- لو حد هيقول عليا متعصب أو متطرف أو أي صف فمش فارقة معايا
- ما كنتش ناوي أعمل تدوينات سياسية في المدونة في الفترة دي بس الموضوع كان مستعجل
- ما كنتش ناوي أدون برضه الفترة دي عشان الإمتحانات بس برضه الموضوع كان مستعجل
كتير مننا بيمر بلحظات تحدي
و لحظات منافسة
و لحظات بيحاول فيها يتفوق على اللي قدامه
و لحظات
و لحظات
و لحظات كتير
بيبقى الإنسان فيها عايز يبقى رقم 1
و لما بتحصل حاجة تخليه رقم 1
بيكون في قمة أحاسيسه الرائعة
بيحس إنه طاير في السما
و إنه فرحان فرحة مش ممكن الكون كله يسعها
و الحمدلله الفرحة و الإحساس ده أنا كنت بعيشه على مدار
الايام اللي فاتت …
بإختصار خرجت من معركة في الأخلاق و الأدب
كان ساحتها أحلى شلة
و كانت المعركة بإختصار ضد ناس كانت فاكرة إن
الغث و كل ما هو قذر ممكن الناس تقبله
بإختصار كنت بواجه مجموعة من الناس
كل بلاوي الدنيا الزرقة إجتمعت فيهم
و كانوا بيحاولوا ينشروا بلايهم دي في الموقع
و الحمدلله قدرت أنتصر عليهم بقوة
و قدرت أكسب معظم الأعضاء
و خرجت من المعركة دي بإحساس الإنتصار الرائع
اللي بيدي دفعة معنوية لا يمكن إنها توصف …
بإختصار ده مجمل حياتي الـ 10 ايام اللي فاتت
بالإضافة لسفريتين خارج القاهرة
و طبعاً الإنشغال في المذاكرة
و دول أسباب عدم تدويني الفترة اللي فاتت …
و السبب التالت هيكون برضه عائق مستمر
حتى نهاية الإمتحانات في التدوين
بس هحاول إن شاء الله إني أدون أي حاجة
و بشكر بجد عبدالرحمن منصور و مصرواي أوي
اللي سألو عليا و كانوا بيسألوا ليه بقالي فترة ما بدونش ..
إن شاء الله راجع لكم بعد الإمتحانات بمجموعة قوية من التدوينات
و بحملة و مشروع ضخم للتدوين
و حتى يحين ذلك المعاد
إدعوا لي بالتوفيق و النجاح الباهر في إمتحاناتي التيرم ده
سلام
تاجات تاجات
هي دي سمة المدونات اليومين دول
و طبعاً كل واحد و تاجه
وصلني تاج من مصراوي أوي
بيقول
ماذا استفدت من حمله اعتقال االاخوان الاخيرة……..هل استفدت معنويا
كسبت اصدقاء جدد
عرفت حاجات مكنتش عارفها
يعنى حاجات من دى؟؟؟؟؟؟
يااااااااااه
إستفدت كتير
1- معنوياتي إرتفعت جداً …
2- بقيت بفتخر أكتر إني أخوان …
3- يقيني بقى أقوى بشكل أكبر …
4- إتعرفت على نماذج لناس عمالقة …
5- دخلت عالم التدوين عشان حسيت بالغيرة من اللي بيدونوا رغم إني كنت بدأت في الموضوع ده من مايو 2005 بس ما كملتش …
6- شعرت بمدة غباء النظام و بلاهته …
7- فرحان عشان متأكد إن اللي عملوا الإعتقالات دي دلوقتي مرارتهم مفقوعة ,,,
8- إتأكدت بشكل أكتر إننا عالطريق الصح …
9- عرفت حاجات كتير ما كنتش أعرفها ..
10- إستفدت حاجات من كترها مش عارف أحصرها !!!
و في نهاية البرنامج قصدي التاج أحب أهدي التاج و أمرره للسادة اللي أصدروا قرارت الإعقتال و اللي فوقهم و اللي تحتهم …
و فوق التاج سلاماتي و أغنية ” يا ميلة بختها يا حسرتها “
اللهم إئتهم من فوقهم و من تحتهم و عن أيمانهم و عن شمائلهم …
قولوا آمين …
أنا العبد الذي كسب الذنوبا وصدتـه الأمانـي أن يتوبـا
أنا العبد الذي أضحى حزينـاً علـى زلاتـه قلقـاً كئيبـا
أنا العبد الذي سطرت عليه صحائف لم يخف فيها الرقيبـا
أنا العبد المسيئ عصيت سراً فما لي الآن لا أبدي النحيبا
أنا العبد المفرط ضاع عمري فلم أرع الشبيبـة والمشيبـا
أنا العبد الغريق بلج بحـرٍ أصيـح لربمـا ألقـى مجيبـا
أنا العبد السقيم من الخطايا وقد أقبلـت ألتمـس الطبيبـا
أنا العبد الشريد ظلمت نفسي وقـد وافيـت بابكـم منيبـا *
يا رب
إغفر لي
و إرحمني
و إعفو عني
و ثبتني
و أعني
و طمئني
و وفقني
و نجحني
يا رب ثبتني و أعني على طاعتك
و إغفر لي ما تقدم مني و ما تأخر
و إعفو عن زلاتي و ذنوبي
يا رب
يا رب
يا رب
فأنا
عبد فقير
عبد ذليل
عبد مسكين
عبد حقير
عبد مسئ
فأنا يا ربي عبد راجي لعفوك و رحمتك …
يا رب
حيـن ولــدت أعطيتـنـي قلـبـاً صغـيـراً خالـيـاً
مـلأتـه حـبـاً لـــك حـبــاً نـقـيـاً صـافـيـا
أنـت حبيبـي ومالكـي حـبـك فــي قلـبـي يـزيـد
يـا مـن يسرنـي قربـك سـوى رضــاك لا أريــد
قلبـي بذكـرك يطمـئـن يـدعـوك ربّــي العالـيـا
سبحـانـك وبحـمـدك يـرجـوك عـفـواً وعـافـيـا
شـكـراً لـمـا أهديتـنـي قلـبـاً بـذكـرك يخـشـع
ثبـتـه ربــي بفضـلـك حـتـى يطـيـع ويسـمـع *
أنت ربي من …
أنــا إن تـبـت منـانـي وإن أذنـبــت رجـانــي
وإن أدبــرت نـادانــي وإن أقـبـلـت أدنـانــي
وإن أحبـبـت والانــي وإن أخـلـصـت نـاجـانـي
وإن قـصـرت عافـانـي وإن أحسـنـت جـازانــي
حـبـيــبــي أنـــــــت رحــمــانـــي
إليـك الشـوق مـن قلبـي علـى سـري وإعـلانـي
فيـا أكـرم مـن يـرجـى وأنــت قـديـم إحسـانـي
ومـا كنـت علـى هــذا إلــه الـنـاس تنسـانـي
لدى الدنيا وفـي العقبـى علـى مـا كـان مـن شانـي
حـبـيــبــي أنـــــــت رحــمــانـــي *
يا رب
يا من يرى في الضمير ويسمع أنت المعـد لكـل مـا يتوقـع
يا من يرجى للشدائد كلها يـا مـن إليـه المشتكـى والمفـزع
مالي سوى فقري إليك وسيلة فبالافتقـار إليـك فقـري أدفـع
مالي سوى قرعي لبابك حيلة فلئـن رددت فـأي بـاب أقـرع
ومن الذي أدعو وأهتف باسمه إن كان فضلك عن فقيرك يمنـع
حاشا لجودك أن تقنط عاصياً الفضل أجزل والمواهـب أوسـع *
يا ربي …
بكـت عينـي بكـت عينـي علـى ذنبـي بـكـت عيـنـي
علـى ذنبـي علـى ذنبـي بكـت عيـنـي عـلـى ذنـبـي
بكـت عينـي علـى ذنبـي ومـا لاقـيـت مــن كـربـي
فـيـا ذلــي فـيـا ذلــي فـيـا ذلــي ويــا خجـلـي
فيـا ذلـي ويــا خجـلـي إذا مــا قــال لــي ربــي
أمـا استحيـيـت تعصيـنـي ولا تخـشـى مــن العـتـب
وتخفـي الذنـب عـن خلقـي وتأبـى فـي الهـوى قـربـي
فتـب ممـا جنيـت عسـى تعـود إلــى رضــى الــرب *
يا ربي إن لم يكن بك عليا غضب فلا أبالي …
يا ربي إغفر لي و أرحمني و أعفو عني و عافني
يا ربي طرقت بابك و سألتك
يا ربي فلا تردني
يا رب فلا تردني
يا رب فلا تردني
يا رب فلا تردني
يا رب فلا تردني
يا رب فلا تردني
يا رب فلا تردني
يا رب فلا تردني
يا رب فلا تردني
يا رب فلا تردني
*** كلمات من ألبوم ” قلبي الصغير “
الإلتزام …
كلمة ليها معاني كتيرة و كبيرة في نفس الوقت
معاني بتختلف من إنسان لآخر
في ناس شايفة الإلتزام قيود على حرية الإنسان بتمنعه من الإستمتاع بحياته
و ناس تانية شايفة الإلتزام شئ جميل بيمنح الإنسان الحرية في أبهى صورها اللي
بتؤدي لإستمتاعه بحياته بدون ما يغضب ربنا
و بين دول و دول
أحب أتكلم في التدوينة دي عن مشاهدات شخصية لي
مشاهدات للناس دول و دول و معنى الإلتزام للطرفين …
بسم الله أبدأ
مرات كتيرة كنت بروح نادي المهندسين اللي في الزمالك لمقابلة
بعض أصحابي نتناقش في أمور كتير
المهم
كل مرة أكون فيها في النادي لازم يكون في فرح
إيه فقرات الفرح ؟
نبدأ بأسماء الله الحسنى
و يدوبك تخلص منها و هاتك يا جعير
العنب العنب
الحنطور و درجن درجن
شبرا و …. شبرا
أغاني كل اللي فيها مجرد إسفاف مفيش أي معنى منه
و طبعاً ما ننساش السماعات و الهيصة اللي طالعة منها
هيصة ما تستفيدش منها غير إنك تطلع أطرش بعد ما طبلة ودانك تكون طرشقت
طبعاً أنا المشهد ده خلاني محتار
و أتساءل تساؤلات كتيرة …
هل ده إسمه فرح
و لا ممكن نسميه هيصة و زمبليطة ؟؟؟
و طبعاُ في فرق بين الإتنين
لا تطلع بفرحة حقيقية و لا إستفادة
مجرد إستماع لمجموعة من السباكين و الصنايعية الفشلة
و تساؤل آخر !!!
هل معقولة إن طبقة راقية و مستواها عالي زي المهندسين
وصل الدرجة بيهم إن واحد زي سعد الصغير و عماد بعرور و غيرهم
أصبح ليهم تأثير عليهم و بقوا بنظرهم اللي يستحقوا شرف إحياء ليلة العمر !!!
ما ننساش باقي فقرات الليلة العظيمة من رقص هيصة بدون معني و بدون و بدون و بدون ……
مع فقرة الأكل اللذيذ و أي فقرة تانية كمالة عدد نقفل بيها الليلة
يعني من الآخر مجرد ليلة تعمل واجب و خلاص بدون أي إستفادة أو أي هدف ؟؟؟
بصراحة كنت بوصل للآخر في تساؤلاتي إن عمر ما الفلوس و لا المستوى العلمي
و لا المركز الإجتماعي هما اللي ممكن ينضفوا البني آدم …
ما بينضفش الإنسان غير الإلتزام اللي غير النضيف من البني آدمين ما يعرفش طريقه
ده كان مثال اللي شايفين إن الإلتزام عائق أمام الحرية و الإستمتاع بالحياة و الفرحة و كل معاني السعادة
نيجي بقى للوجه الآخر من العملة
اللي شايفين إن الإلتزام و طاعة أوامر ربنا هو الطريق الوحيد للحرية و الإستمتاع بالحياة
من يوم ما رجعت مصر من حوالي سنتين حضرت فرحين إسلاميين
أو بمعنى آخر فرحين لناس ملتزمين
و للتحديد لإخوان …
آخرهم كان إمبارح الجمعة …
بصراحة أنا خرجت من الفرح بحمد ربنا على نعمة الإلتزام و الإخوان
ليه ؟؟؟
هقول تعالوا نشوف فقرات الفرح
طبعاً بدايته بيكون في المسجد
و ما نقدرش ننكر إن اللي بيبدأ في بيت من بيوت الله لازم يكون ربنا بارك فيه
بعد كده إنتقلنا لأحد النوادي لتكلمة الفرح
فقرات رائعة و مرتبة
حب و تفاني في الخدمة من جميع اللي حضروا عشان يسعدوا العريس و العروسة
أغاني هادفة و محترمة بتوصي العريس على العروسة و العكس
أغاني تزرع الحب بينهم
بعكس أغاني الحمير و الحناطير
فقرات فنية لإمتاع الحاضرين
كل الشباب بيحاولوا يسعدوا العريس بأكبر قدر ممكن
و صحبات العروسة نفس الشئ
من الآخر تخرج و أنت حاسس إنك فعلاً حسيت بالسعادة بتجري جواك
سعادة باطنية بتخلق سعادة نفسية
يعني سعادة المضمون
مش سعادة المظهر المغشوشة
اللي بتبقى عاملة زي قفص الفاكهة اللي فوق حلوة
و تحت عفن و بايظة …
من الآخر تخرج و أنت مستريح و حاسس إنك فعلاً حسيت بتغير ذاتي و نفسي كبير
و إنك فعلاً أخدت مخزون من السعادة يكفيك لفترة مش قليلة …
و أنا شخصياً خرجت و أنا حاسس بكل ده
عشان كده بشكر ربنا على نعمة الإلتزام و نعمة الإخوان …
ما قابلتهوش غير مرتين
مرة في حفلة سامي يوسف في سيتي ستارز من أكتر من سنة
و المرة التانية من حوالي أسبوعين في مؤتمر القاهرة
لكن كل مرة كنت بحترمه أكتر و بحبه في الله أكتر …
النهاردة صحيت أصلي الفجر و لقيت الخبر
عبدالمنعم مطارد
يعني هيعتقل
لأنه في تدوينة مجدي سعد قال إنه هيسلم نفسه
عشان ما يحصلش أي بهدلة لأبوه أو أمه …
يبدو يا منعم يا كبير في نظرنا كلنا إن أول زيارة ليا لطرة هتكون ليك …
مش هقول أكتر من كده عشان مخنوق …
